Corsica nazione

O fratelli patriotti
Di spiritu naziunale
Chì vulete esse sciolti
Da e putenze culuniale
Oghje le prigiò francese
Crescenu le vostr'offese.

Si stringhje lu nostru core
Di sapevi incarcerati
Spartimu listess'amore
È ci sintimu inghjuliati
Site lu sangue è la forza
Di a nostra terra corsa.

Vi sarà longa la strada
Dui saranu i passi
È da lu pianu à la sarra
Indù l'andati è i chjassi
Truverete e vistighe
Di tante battaglie antiche.

A francia vi dà l'agrottu
In fondu à le so furturezze
Ma u soffiu patriottu
In ogni pieve si tesse
È risorghe e passione
Di la Corsica Nazione,
È risorghe e passione
Di la Corsica Nazione.