Messaghju

Tanta suffrenza,
Spapersa in lu mondu,
L'omu chì vole campà.
A me sperenza
In messaghju mandu,
Quellu chì cerca à luttà.

Fratellu ormai
A to lotta hè mea,
T'avvii mez'à l'avversità.
Cunnosci i guai
Per fà chì l'idea,
Splendi per a libertà.

Cresce la voce, sopr'à le fruntiere,
Purtendu a sperenza quallà.
Dannu, veloce,
Canzone straniere,
Chjamendu a sulidarità.

Lacrima pura
Chì sbuccia surgente,
A fiumara di l'unità
Forza sicura
Chì richjara a mente,
Soffiu di a verità.

Pass'una vita
Di gioia è di pena,
Passu di fedeltà.
Parolla scritta
Chì sempre sumena,
L'avvene chì ne sarà ?

(Cresce la voce per quallà
Una voce rispunderà
U soffiu di a verità
L'idea per a libertà.)