TuMasGiu

Eiu so Tumasgiu
Dettu "Grisgione"
Cantu à San'Biasgiu
E sant'Antone
A nostra Santa Venerata
Ristituta, a Beata

So cunfratellu, mi so ghjuratu
Messa a cappa, so rimarcatu
E a mio voce in prucissione
Face trimà, tutt'u cantone

O Tumà, O Tumà!
A to cappa, a to cappa
O Tumà, O Tumà!
Eiu a t'aghju da stinzà
Chavà marchji troppu strambu
E ùn faci ca tracullà

O Tumà, O Tumà!
A to voce, a to voce
O Tumà, O Tumà!
Prestu s'hà da strangulà
Chi a festa ùn a compii mai
E è sbornie, ne pigli assai

Eio so Tumasgiu
Gran'traculinu
Vendu u casgiu
Veru Balaninu
Pisatu nantu à u cantaretu
A contu ghjustu
E pesu nettu